14 июл 09:59
Янгиликлар

Теннис

Сергей Фомин Падова турнирининг 1/4 финалида ўйнайди

Италиянинг Падова шаҳрида теннис бўйича М25 тоифасига кирувчи турнир давом этмоқда.

Ушбу мусобақада ҳамюртимиз Сергей Фомин ҳам муваффақиятли иштирок этяпти. Турнирда 8-рақам остида таснифланган теннисчимиз мусобақанинг чорак финал иштирокчисига айланди.

Мамлакатимизнинг иккинчи ракеткаси роппа-роса 100 дақиқа давом этган 1/8 финал учрашувида италиялик Лука Жиакоминига қарши кортга чиқиб, рақибини 6/2, 6/4 ҳисобларида мағлубиятга учратди. Бугун Фомин 1/2 финал чиптаси учун франциялик Клемент Табурга қарши баҳс олиб боради.

Таққослаш учун, Сергей Фомин дунё рейтингида 561, Жиакомини 756, Табур эса 334-ўринни эгаллаб турибди. Фомин - Табур учрашуви бизнинг вақт билан соат 18:00дан кейин бошланади.