21 фев 09:12
Янгиликлар

Теннис

Сергей Фомин Португалияда дунёнинг собиқ 30-ракеткасини мағлуб этди

Португалиянинг Вила-Реал-ди-Санту-Антониу шаҳрида теннис бўйича M25 тоифасига кирувчи турнир бўлиб ўтмоқда.

Унда ҳамюртимиз Сергей Фомин ҳам муваффақиятли одимлаяпти. Мамлакатимизнинг биринчи ракеткаси 1/8 финалда турнирнинг учинчи ракеткаси, рейтингда 301-ўринни эгаллаб турган словакиялик Мартин Клижанни 6/4, 7/6(5) ҳисобида мағлуб этишни уддалади.

Учрашуви 2 соату 21 дақиқа давом этган. 36 ёшга қараб кетаётган тажрибали Мартин ўз вақтидан дунёнинг 30-ракеткаси бўлган. Сергей Фомин эса ATP рейтингида 558-поғонадан жой олган. Бугун теннисчимиз 1/4 финалда рейтингда 378-ўриндан жой олган португалиялик Гастао Элиасга қарши кортга чиқади.