06 мар 12:34
Янгиликлар
Теннис
Сергей Фомин Қозоғистондаги турнирни ғалаба билан бошлади, бугун Милушев ҳам ўйнайди
Қозоғистоннинг Актобе шаҳрида теннис бўйича эркаклар ўртасида M15 туркумидаги мусобақа старт олди.
Мусобақада иштирок этаётган ҳамюртимиз Сергей Фомин илк босқичда мезбон Ерассил Ердилдага қарши кортга чиқди.
1 соат 20 дақиқа давом этган ўйинда Фомин 6:4, 6:2 ҳисобларида ғалаба қозонди ва иккинчи босқичга йўл олди. Энди у иккинчи даврада нидерландиялик Ниель Вискерга қарши кортга чиқади.
Бугун шунингдек яна бир юртдошимиз Амир Милушев мусобақадаги иштирокини бошлайди. У илк даврада қирғизистонлик Илгиз Камчибековга қарши ўйин ўтказади.
Ҳавола :
Манба : olamsport.com
Фикрлар