15 фев 10:10
Янгиликлар

Теннис

Сергей Фоминда иродали ғалаба

Хабар берганимиздек, Португалиянинг Вила-Реал-ди-Санту-Антониу шаҳрида теннис бўйича M25 тоифасига кирувчи ITF турнири бўлиб ўтмоқда.

Мукофот жамғармаси 25 000 АҚШ долларини ташкил қилувчи ушбу мусобақада мамлакатимизнинг биринчи ракеткаси Ҳумоюн Султоновдан ташқари Сергей Фомин ҳам иштирок этяпти. Иккинчи ракеткамиз 1/16 финалда нидерландиялик Мишел Де Кром устидан иродали ғалабага эришди - 3/6, 6/1, 6/4.

Таққослаш учун, Фомин ATP рейтингида 665, Де Кром эса 776-поғонадан жой олган. Бу теннисчиларнинг ўзаро ўтказган илк учрашуви бўлди. Бугун Сергей Фомин 1/8 финалда дунёнинг 361-ракеткаси бўлиб турган даниялик Элмер Мюллерга қарши кортга чиқади. Ушбу баҳс бизнинг вақт билан соат 16:00да бошланади.