29 июл 10:38
Янгиликлар

Теннис

Севастова бош совринни ўз мамлакатида олиб қолди

Дунёнинг 11-ракеткаси Анастасия Севастова Юрмала шаҳрида якунланган турнирда бош соврин соҳибасига айланди.

Латвиялик теннис маликаси финал учрашувида WTA рейтингининг 194-поғонасидан жой олган польшалик Катажина Кавага қарши кортга чиқди. Настя 2 соату 9 дақиқа давом этган баҳсда рақибасини қийинчилик билан мағлуб этди - 3/6, 7/5, 6/4.

Бу теннисчиларнинг ўзаро илк учрашуви эди. Baltic Open турниридаги ушбу муваффақиятли иштирок 29 ёшли Севастовага 280 рейтинг очкоси ҳамда 34 677 евро миқдоридаги мукофот пулини тақдим этди.