30 апр 09:37
Янгиликлар

Бокс/ММА

Сехудо Царукянни тролл қилди: "Стюардессадан ҳам тезроқ олиб чиқиб ташлайман"

Эркин кураш бўйича Олимпиада чемпиони, икки вазнда собиқ UFC чемпиони Генри Сехудо RAF лигасида Арман Царукяннинг ғалабали одимини тўхтатишга тайёр.

Америкалик учталик чемпион Арман билан кураш гиламини бўлишиш истаги ҳақида ижтимоий тармоқдаги саҳифасида маълум қилди.

"Арман, сен челленжларда 10 доллардан пул топадиган йигит билан курашдинг, энди эса қаёқдаги Колби Ковингтонни хоҳлаяпсан. Мен сени самолётдан олиб чиқиб ташлаган стюардессадан-да тезроқ олиб чиқиб ташлайман", - деб ёзди Сехудо.

Шу йилда Арман Царукян RAF лигаси байроғи остида тўртта беллашув ўтказиб, Ленс Палмер, икки марта Жоржио Пуллас ва Юрайя Файберни мағлубиятга учратганди. Куни кеча унинг иштирокидаги бешинчи баҳс расман эълон қилинди, унда россиялик 30 май куни Далласдаги RAF 9 турнирида америкалик инфлюэнсер Килон "Магзи" Жимисон билан тўқнаш келади.