Шаҳноза Мирзиёева ўзбек пара дзюдосида янги саҳифа очган Улжон Амриевани табриклади

Ўзбекистон Республикаси Президенти ҳузуридаги Ижтимоий ҳимоя миллий агентлиги директорининг биринчи ўринбосари, Миллий паралимпия қўмитаси раисининг биринчи ўринбосари Шаҳноза Мирзиёева куни кеча Остона шаҳрида ўтказилган жаҳон чемпионатида олтин медални қўлга киритиб, мамлакатимиз тарихида жаҳон чемпиони бўлган биринчи аёл пара дзюдочи Улжон Амриевани тарихий ғалаба билан табриклаб, ўзбек аёлларининг ҳақиқий матонати ва жасоратини бутун дунёга намоён этгани учун ўз миннатдорчилигини билдирди.

Ўз навбатида, Улжон Амриева ҳам эришилган ушбу ютуқлари замирида авваламбор Муҳтарам Президентимизнинг ногиронлиги бўлган шаҳсларга кўрсатаётган ғамхўрликлари, улар учун яратиб берилаётган имкониятлар ётганини алоҳида таъкидлади. 

Истеъдодли спортчимиз, мазкур ютуқ билан асло тўхтаб қолмаслигини ва келгусида бўладиган нуфузли халқаро мусобақалар, жумладан 2028 йил Лос-Анжелес шаҳрида бўладиган ёзги Паралимпия ўйинларида ҳам юқори натижаларни қайд этишга ваъда берди.