26 июл 11:42
Янгиликлар

Теннис

Шарипова Нонтабури турниридаги иштирокини якунлади

Таиланднинг Нонтабури шаҳрида теннис бўйича ITF тоифасига кирувчи турнир бўлиб ўтмоқда.

Соврин жамғармаси 25 000 АҚШ долларини ташкил қилувчи мусобақада ҳамюртимиз Сабина Шарипова ҳам иштирок этаётганди. Мамлакатимизнинг биринчи ракеткаси турнирда бешинчи рақам остида ҳаракат қилаётган эди.

Афсуски, ҳозиргина якунига етган чорак финал учрашувда Сабина мағлубиятга учраб, турнирни тарк этди. Шарипова турнирнинг иккинчи ракеткаси, хитойлик Ксюнга 3:6, 3:6 ҳисобида имкониятни бой бериб қўйди.