31 июл 14:04
Янгиликлар

Теннис

Шарипова Нонтабурида рақибасига битта гейм берди

Таиланднинг Нонтабури шаҳрида теннис бўйича ITF тоифасига кирувчи турнир бўлиб ўтмоқда.

Соврин жамғармаси 25 000 АҚШ долларини ташкил қилувчи мусобақада ҳамюртимиз Сабина Шарипова ҳам иштирок этяпти. Мамлакатимизнинг биринчи ракеткаси турнирда олтинчи рақам остида сараланган.

Ҳозиргина мамлакатимизнинг биринчи ракеткаси илк давра учрашувини якунлади. Сабина 1 соату 20 дақиқа давом этган баҳсда хитойлик Йиди Янгни 6:0, 6:1 ҳисобида доғда қолдирди. Энди Шарипова иккинчи босқичда таиландлик Супапитч Куэарумга қарши кортга чиқади.