23 июл 07:17
Янгиликлар

Теннис

Шарипова Нонтабуридаги турнирда 5-рақамда сараланди

Таиланднинг Нонтабури шаҳрида теннис бўйича ITF тоифасига кирувчи турнир бўлиб ўтмоқда.

Соврин жамғармаси 25 000 АҚШ долларини ташкил қилувчи мусобақада ҳамюртимиз Сабина Шарипова ҳам иштирок этади. Мамлакатимизнинг биринчи ракеткаси ҳам яккалик, ҳам жуфтлик баҳсларида ўз маҳоратини намойиш этади.

Қуръа натижасига кўра, Сабинанинг яккалик баҳслари илк даврасидаги рақибаси асосий тўрга имтиёзли йўлланма асосида қўйилган таиландлик Титират Канапуэт бўлади. Шарипова Таиланд тенниси афсонаси Тамарин Танасугарн билан бирга жуфтликда турнирнинг биринчи рақамли жуфтлиги - япониялик Акико Омаэ ҳамда Пингтарн Плипучга қарши кортга чиқади.