27 июн 00:01
Янгиликлар

Теннис

Шарипова “Уимблдон” ярим финалида яна уч сетлик баҳс ўтказди

Лондон шаҳрида “Катта Дубулға” туркумига кирувчи “Уимблдон” турнирининг саралаш баҳслари давом этмоқда.

Мусобақанинг хотин-қиз теннисчилар ўртасидаги баҳсларида иштирок этган ягона вакиламиз Сабина Шарипова иккинчи давра учрашувида кортга чиқди. Мамлакатимизнинг биринчи рақамли теннис маликаси америкалик Кристина Макхейлга қарши баҳс олиб борди.

Бироз аввал якунланган учрашув 2 соату 8 дақиқа давом этди. Биринчи сет 6:3 ҳисобида Сабина фойдасига ҳал бўлди. Иккинчи сетда Кристина 7:5 ҳисобида зафар қучди. Ҳал қилувчи учинчи сетда тажрибали Макхейл 6:2 ҳисобида ғалаба қозонди.

Таққослаш учун, Макхэйл WTA рейтингида 109, Шарипова эса 215-ўринни эгаллаб турибди. Теннисчилар шу кунгача ўзаро тўқнаш келишмаган эди. Сабина илк босқичда рейтингнинг 149-поғонасидан жой олган словакиялик Кристина Куцовани 6:1, 3:6, 7:5 ҳисобида мағлуб этганди.