15 мар 17:39
Янгиликлар

Теннис

Шарипова Хитойдаги турнирда финалга чиқди

Хитойнинг Шэньчжэнь шаҳрида теннис бўйича "Фьючерс" туркумига кирувчи турнир бўлиб ўтмоқда.

Соврин жамғармаси 60 000 АҚШ долларини ташкил қилувчи мусобақада Сабина Шарипова ҳам муваффақиятли иштирок этмоқда. Ҳамюртимиз яккалик мусобақасининг иккинчи даврасида мағлубиятга учраган эди.

Ҳозирда у бор эътиборини жуфтликдаги иштирокига қаратган. Япониялик Хирока Кувата билан жуфтлик ҳосил қилган Шарипова финал чиптасини қўлга киритди. Сабина ва Хирока ярим финалда турнирнинг иккинчи рақамли жуфтлиги - кореялик Жи-Хи Чой ҳамда хитойлик Жинг-Жинг Луни 1:6, 6:3, катта тай-брекда 10:8 ҳисобида мағлуб этишди.