26 июн 07:47
Янгиликлар

Теннис

Шарипованинг “Уимблдон” ярим финалидаги рақибаси маълум

Лондон шаҳрида “Катта Дубулға” туркумига кирувчи “Уимблдон” турнирининг саралаш баҳслари давом этмоқда.

Мусобақанинг хотин-қиз теннисчилар ўртасидаги баҳсларида иштирок этаётган ягона вакиламиз Сабина Шарипова бугун иккинчи давра учрашувида кортга чиқади. Мамлакатимизнинг биринчи рақамли теннис маликаси америкалик Кристина Макхейлга қарши баҳс олиб боради.

Таққослаш учун, Макхэйл WTA рейтингида 109, Шарипова эса 215-ўринни эгаллаб турибди. Теннисчилар шу кунгача ўзаро тўқнаш келишмаган. Саралашнинг ярим финалидан ўрин олган ушбу учрашувнинг Тошкент вақти билан соат 19:30да бошланиши режалаштирилган.

Эслатиб ўтамиз, кеча Шарипова илк босқичда рейтингнинг 149-поғонасидан жой олиб турган словакиялик рақибаси Кристина Куцовага қарши кортга чиқиб, 6:1, 3:6, 7:5 ҳисобида зафар қучган эди.