31 мар 09:07
Янгиликлар
Бокс/ММА
Шавкат Раҳмонов америкалик Нил Магни билан жанг қилмоқчи
Ярим ўрта вазн тоифасида UFC жангчиси 27 ёшли қозоғистонлик Шавкат Раҳмонов америкалик 34 ёшли Нил Магнига жанг ўтказиш таклифи билан мурожаат қилди.
"Нил, мен билан жанг қил. Ҳеч ким мен билан жанг қилишни истамайди”, — дея Шавкат твиттерида ҳар қандай рақибга қарши жанг қилишга тайёрлигини айтган Магнига ишора қилиб.
Шавкат Раҳмонов UFC'да учта жанг ўтказиб, уларнинг ҳаммасида муддатидан аввал ғалаба қозонган. Шунингдек, Раҳмонов ҳаваскорлар ўртасида энг ёш жаҳон чемпиони ва М-1 Global промоутерлик чемпиони ҳисобланади.
Нил Магни сўнгги бор UFC Fight Night 205 турнирида Макс Гриффин устидан ғалаба қозонганди. У ММА бўйича жами 39 та жанг ўтказиб, уларнинг 29 тасида ғалаба қозонган. Шунингдек UFС'нинг ярим ўрта вазн тоифаси рейтингида 9-ўринни банд этган. Раҳмонов эса 15-ўринда бормоқда.
Ҳавола :
Фикрлар