Шавкат Раҳмонов Мишель Перейрага "вызов" ташлади

Раҳмонов кеча Лас-Вегасда ўтган UFC Fight Night 200 турнирида Карлстон Харрисни биринчи раунднинг ўзида нокаутга учратган эди. Кечаги ғалабали жангидан сўнг Раҳмонов режалари билан ўртоқлашди.  

"Ўзимни жуда яхши ҳис қиляпман. Ғалаба қозонган пайтинг бошқача ҳиссиёт бўлмаса ҳам керак. Лекин рақибим жуда хавфли бўлиб, иккита жангда нокаутли ғалабага эришганди. 

Мен ҳозирнинг ўзида Топ-10 ёки Топ-15 рейтингдан ўрин олган рақиб билан жанг қилишга тайёрман. Агар Топ-15дан рақиб топилмаса, у ҳолда менга Мишель Перейрани беришсин. У жуда ҳам қизиқарли жангчи. Яқинда у менинг жамоадошим Андре Фиальони мағлубиятга учратди. Мен у учун реванш олмоқчиман. 

Режа бўйича навбатдаги жангимни ёз ойларида ўтказмоқчиман. Ҳозир уйга қайтаман, жамоадошларим ва мураббийларим билан маслаҳатлашгач, бу борада якуний бир қарорга келаман", - деди Раҳмонов.