Шахмат бўйича икки турнирда ғолиб ва совриндорлар номи маълум бўлди ФОТОГАЛЕРЕЯ

Бири "Scheveningen Team Tournament" I - Халқаро шахмат фестивали, иккинчиси эса аёллар ва эркаклар ўртасида (1-лига) мамлакат чемпионати.

Фестивалда Ўзбекистон миллий терма жамоаси аъзолари Россия, Литва ва Беларусь жамоаларидан иборат бўлган команда билан 10 та партия беллашди. Якунда арзимаган фарқ билан жамоамиз мағлуб бўлди.

Жами 100 нафарга яқин шахматчи иштирок этган мамлакат чемпионати баҳсларида  ҳам ғолиб ва совриндорлар номи маълум бўлди. Оксана Слапогузова, Азиза Турсунова, Ситора Сапарова, Афруза Ҳамдамова, Муҳаммадзоҳид Суяров, Абдулазиз Қурбоновлар ғолиблик шоҳсупасидан жой олдилар.

Якунда ғолиб ва совриндорлар таъсисчи ташкилотлар томонидан диплом, медаль ҳамда эсдалик совғалари билан тақдирланишди.

Алимурод МАМАДАМИНОВ, ўз мухбиримиз