Шахмат бўйича жаҳон Кубогида 1/2 финалнинг илк партиялари ўйналди

Эркаклар ўртасидаги баҳсларда 1/2 финалнинг илк учрашувлари бўлиб ўтди. Илк жуфтликда мусобақа кашфиётига айланган озарбайжонлик Нижат Абасов собиқ жаҳон чемпиони, норвегиялик Магнус Карлсенга қарши қора доналарда ўйнаб, мағлубиятга учради. 

Иккинчи 1/2 финал жуфтлигида эса америкалик Фабиано Каруана ҳиндистонлик Рамешбабу Праггнанандҳага қарши оқ дораларда ҳаракат қилди. Ушбу учрашув дуранг натижа билан якунланди. Бугун ҳар икки жуфтликда иккинчи партия ўйналади. Бу сафар Абасов ва Рамешбабу оқ доналарда ҳаракат қилади.

Эслатиб ўтамиз, жаҳон Кубоги чемпионлик тожи учун саралаш вазифасини ҳам ўтаб беряпти. Кучли учликдан жой олган гроссмейстерлар даъвогарлар мусобақасига йўлланмани қўлга киритади.  

Жаҳон Кубоги. Эркаклар. 1/2 финал. Биринчи партия

Магнус Карлсен (Норвегия) – Нижат Абасов - 1:0

Фабиано Каруана (АҚШ) – Рамешбабу Праггнанандха (Ҳиндистон) - 0,5:0,5