Шахмат бўйича Ўзбекистон терма жамоаси Жаҳон чемпионатига жўнаб кетди

Хабар берганимиздек, дунёнинг 55 терма жамоаси иштирок этадиган ушбу нуфузли мусобақада Ўзбекистон терма жамоаси ҳам кучли таркибда совринли ўринлар учун баҳс олиб боради. Таркибда Рустам Қосимжонов, Нодирбек Абдусатторов, Жавоҳир Синдаров сингари етакчи гроссмейстерларимиз бор.   

Жамоавий жаҳон чемпионатининг умумий мукофот жамғармаси 500 000 евро бўлиб, рапид учун 310 000, блиц учун эса 190 000 евро ажратилган. Терма жамоамиз делегацияси Лондон шаҳрига жўнаб кетди. Эртага мусобақанинг илк куни рапид бўйича 4 та тур учрашувлари ўтказилади.  

Терма жамоамиз таркиби:

Нодирбек Абдусатторов (2732/2694)

Жавоҳир Синдаров (2668/2626)

Рустам Қосимжонов (2641/2603)

Нодирбек Якуббоев (2547/2563)

Шамсиддин Воҳидов (2519/2581)

Нилуфар Имомқўзиева (1943/2066)

Афруза Ҳамдамова (2406/2268)