10 июл 11:53
Янгиликлар

Шахмат

Шахматчиларимиз FIDE Жаҳон кубогининг иккинчи босқич илк учрашувларини ўтказишди

Грузиянинг Батуми шаҳрида шахмат бўйича аёллар ўртасида FIDE Жаҳон кубоги бўлиб ўтмоқда.

Ушбу нуфузли мусобақада Ўзбекистон терма жамоасининг уч нафар етакчи вакилалари ҳам баҳс олиб боришяпти. Шахматчи қизларимиз Жаҳон кубогининг биринчи босқичида рақибаларини мағлуб этишга муваффақ бўлишган эди. Иккинчи даврада табиийки, кучли рақибалар ҳамюртларимизни қарши олишди.

Гулруҳбегим Тоҳиржонова хитойлик халқаро спорт устаси Лу Миаойига, ёшлар ўртасида жаҳон чемпиони Афруза Ҳамдамова ҳиндистонлик гроссмейстер, рапид йўналишида икки карра жаҳон чемпиони Ҳампи Конеруга имкониятни бой берди. Умида Омонова эса Европа чемпиони, польшалик Алина Калинская билан дуранг ўйнади. Бугун жавоб партиялари бизнинг вақт билан соат 16:00да бошланади.