Shenzhen Open. Соболенконинг юришини тўхтатишди

Беларуслик 21 ёшли теннисчи Арина Соболенко мусобақадаги иштирокини тўхтатди. Дунёнинг 11-ракеткаси 1 соату 29 дақиқа давом этган иккинчи босқич учрашувида чехиялик Кристина Плишковага ютқазиб қўйди - 4/6, 4/6.

WTA рейтингида 66-поғонадан жой олиб турган 27 ёшли Кристина 15 та эйс зарбасини амалга оширган. Бу теннисчиларнинг ўзаро илк тўқнашуви эди. Плишкованинг Shenzhen Open турнири чорак финалидаги рақибаси украиналик Катерина Бондаренко бўлади. Катерина ўз ўрнида хитойлик Чжан Шуайни енгди - 7/6(8), 6/3.