10 фев 19:02
Янгиликлар

Кикбоксинг

Шер Мамазулуновнинг навбатдаги рақиби ва жанг санаси маълум

Шер Мамaзулунов навбатдаги жангини ўтказади.

-84 кг вазн тоифасида кикбоксингчимиз Шер Мамазулунов (15-6) 12 февраль куни Екатеринбургда Сергей Пономаревга қарши курашади. Ушбу жанг Fair Fight лигасининг вақтинчалик чемпионлик мақоми учун бўлади.

Аслида Пономарев билан лига чемпиони Андрей Чекҳонин (30-6-1) учрашиши керак эди. Бироқ, номаълум сабабларга кўра, лига Чекҳонин ушбу жангга чиқа олмаслигини маълум қилди ҳамда тезкорлик билан Пономаревга қарши Мамазулунов жанг қилишини эълон қилди.

Шер Мамазулунов Fair Fight лигасининг фахрий жангчиси. У 2017 йилда ташкилотда жанг қилган ва -77 кг вазн тоифасида чемпион бўлган. Кейинроқ -84 кг вазн тоифасига қайтган, ушбу дивизионда WТКF чемпиони бўлган ва ТNА финалида икки бор ғалаба қозонган.