Шин Шимкентда Фомин учун ўч олди

Мукофот жамғармаси 15 минг АҚШ долларини ташкил қилувчи ушбу турнирда ҳамюртимиз Максим Шин ҳам ўз имкониятини синаб кўряпти. Турнирда тўртинчи рақам остида таснифланган теннисчимиз Сергей Фомин илк даврадаёқ ATP рейтингида 1167-поғонада бораётган ҳиндистонлик Арян Шаҳга 5/7, 0/6 ҳисобида ютқазиб қўйганди.

ATP рейтингида 1365-ўринда бораётган Максим Шин эса айнан Шаҳни мағлубиятга учратиб, Фомин учун реванш олишга муваффақ бўлди. Максим 1/16 финалда 1865-поғонадан жой олган ҳиндистонлик Юван Нандални икки сетда ҳам бир хил ҳисобда мағлубиятга учратганди - 6/2, 6/2. 

Турнирнинг 1/8 финал баҳсида эса Арян Шаҳдан 1/6, 6/1, 6/2 ҳисобларида устун келди. Бироздан сўнг ҳамюртимиз 1/4 финалда италиялик Федерико Кампанага қарши кортга чиқади. ATP рейтингининг 1115-поғонасини банд этган Кампана 1/8 финалда турнирнинг 8-ракеткаси, рейтингда 696-ўринни эгаллаб турган ҳиндистонлик Каран Сингҳни 6/4, 7/5 ҳисобида таслим этди.