Шоҳасан Мирзаматов муҳим янгиликни эълон қилди

У 11 май куни Тошкентда бўлиб ўтган Octagon 72 турнири доирасида Қирғизистон вакили Абилкассим Якубов билан жанг қилиб, муддатидан олдин ғалабага эришганди. Шоҳасан ушбу ғалабасида уни қўллаб-қувватлар турган мухлисларга миннатдорлик билдириш баробарида эътиборга молик янгиликни ҳам эълон қилди.

"6 июль куни Ўзбекистонда чемпионлик камари учун жанг қиламан. Барча қўллаб-қувватлаб турганларга катта раҳмат", деб ёзган спортчи.

Маълумот ўрнида, 6 июль кунги Octagon турнири Самарқанд шаҳрида ўтказилиши кутилмоқда. Яримўрта вазн тоифасида Octagon League чемпионлик камари қозоғистонлик Георгий Кичигинга тегишли ҳисобланади.