Шоҳрух ва Марианна олтин медални қўлга киритди

Жисмоний тарбия ва спорт вазирлиги, Миллий олимпия қўмитаси ва мамлакатимиз енгил атлетика федерацияси томонидан ташкиллаштирилган мазкур мусобақанинг 10 минг метр масофага спортча юриш баҳсларида Шоҳрух Саломов ва Марианна Турсунова олтин медални қўлга киритди. Шунингдек, юз метрга тўсиқлар оша югуришда Валентина Кибальникова ҳамда Эргаш Нормуродовга тенг келадигани топилмади.

Турли масофаларга югуриш баҳсларида Гулсумби Шарипова, Зулфизар Абдуллаева, Зарнигор Худойбердиева, Мавлуда Мадалиева, Суннат Исмоилов, Анвар Саримсоқов, Хуршид Аҳмадалиев, Ҳумоюн Маҳмудов ва Евгений Фадеев марра чизиғини биринчилардан бўлиб босиб ўтди.

Диск, ядро, найза ва босқон улоқтиришда Шаҳризода Юсупова София Бурҳонова, Санобар Эркинова, Ригина Адашбоева, Рашид Содиқов, Достон Ражабов, Бобур Шокиржонов, Жавлон Тилаволдихўжаев мамлакат миқёсида тенгсиз эканини исботлади. Лангар чўпга таяниб сакрашда Виолетта Перегудова ҳамда Асилбек Тўрақулов шоҳсупанинг юқори поғонасидан жой олди.

Узунликка, баландликка ва уч ҳатлаб сакрашда қизлар ўртасида Алина Яблокова, Надия Дусанова, Ўғилой Абдулазизова, ўғил болалар орасида эса Никита Логинов, Дмитрий Мельситов ва Дмитрий Пупко энг баланд маррани забт этди.