Шок хабар: фигурали учувчилар Екатерина Гейниш ва Дмитрий Чигирёв спорт тандеми сифатидаги фаолиятини якунлаши айтиляпти, спортчилар Хитой Гран-присида иштирок этмаслиги аниқ!

Фигурали учишнинг жуфтлик йўналишида Ўзбекистон терма жамоаси аъзолари Екатерина Гейниш ва Дмитрий Чигирёв октябрь ойида Хитойнинг Чонгқин шаҳрида ташкил этиладиган Гран-при босқичининг иштирокчилар сафидан чиқарилди.

Ҳозирча бунга нима сабаб бўлгани очиқланмади. Бироқ хорижий нашрларда тарқалаётган миш-мишларга кўра, жуфтликнинг ажралиш эҳтимоли бор.

Маълумот учун, Гейниш ва Чигирёв ўтган мавсумдан буён терма жамоамиз шарафини ҳимоя қилиб келяпти. Улар якунига етган мавсумда Осиё ўйинлари ғолиби, Гран-при босқичларида совриндор бўлишди. 2026 йили Италиянинг Милан ва Кортина д'Ампеццо шаҳарларида ўтказиладиган қишки Олимпия ўйинлари учун йўлланма ҳам ютишганди.