Шомуродов РПЛ юлдузлари иштирокидаги онлайн-турнирда "Ростов" номидан иштирок этади

Pro Evolution Soccer (PES) футбол симуляторида "Энг тез лига" онлайн-турнири ташкил этилади. Турнир Sports.ru портали томонидан ташкил этилмоқда.

Футболчилар тўхтаб қолган мавсумни 23-турдан PES'да давом эттиришади. "Энг тез лига"да икки хил жадвал бўлади: биринчиси - чемпионат, иккинчиси эса 8 та ўйинлик алоҳида жадвал.

Турнирда Артём Дзюба ("Зенит"), Яка Бийол (ЦСКА), Кристиан Нобоа ("Сочи"), Дмитрий Копинцев ("Динамо") ва бошқалар иштирок этади. Старт - 28 мартда, финал эса 5 апрел (якшанба)га белгиланган. Ўйинларнинг трансляцияси ўйин бошланишидан олдин тақдим этилади.