Штутгартдаги WTA турнири коронавирус сабаб бекор қилинди

Бу сафар Германиянинг Штутгарт шаҳрида ўтказилиши режалаштирилган WTA турнири айни шу сабаб билан бекор қилинди деб хабар бермоқда Bild. Мусобақа 20 апрель куни старт олиши керак эди. 

Штутгарт шаҳри мэрияси коронавирус сабаб оммавий тадбирлар, хусусан спорт мусобақаларини ҳам бекор қилмоқда. Аввалроқ WTA ҳамда турнир титул ҳомийси Porsche мусобақани мухлисларсиз ўтказишга келишиб олишганди. 

Шу тариқа, яқин олти ҳафта ичида WTA-Турда бекор қилинмаган фақат битта турнир қолди. У ҳам бўлса, 20 апрель куни бошланиши режалаштирилган Истанбул турниридир.