Синдаров рапид Жаҳон чемпионатида Магнус Карлсенни қора доналарда мағлуб этди

Мукофот жамғармаси 310 минг еврони ташкил этувчи ушбу нуфузли мусобақада 40 дан ортиқ жамоа таркибида 300 нафардан зиёд шахматчи чемпионлик учун курашяпти. Жамоавий жаҳон чемпионатида Ўзбекистон иккита жамоа билан иштирок этмоқда. Иккинчи жамоамиз - "Sky Chess Team" таркибида хорижлик шахматчилар ҳам бор. 

Ўзбекистон жамоалари:

Uzbekistan Team

Жавоҳир Синдаров (GM, 2718)

Нодирбек Абдусатторов (GM, 2703)

Нодирбек Якуббоев (GM, 2569)

Шамсиддин Воҳидов (GM, 2527)

Муҳиддин Мадаминов (GM, 2500)

Афруза Ҳамдамова (WGM, 2358)

Умида Омонова (WGM, 2276)

Акжол Раҳматуллаев (1600)

Жамоа сардори — Рустам Қосимжонов.

Sky Chess Team

Шант Саргсян (GM, 2616)

Эндрю Хонг (GM, 2557)

Арам Ҳакобян (GM, 2542)

Муҳаммадзоҳид Суяров (IM, 2405)

Гулруҳбегим Тоҳиржонова (IM, 2314)

Раҳмонқул Сулаймонов (1786)

Асқаржон Исмоилов (1400)

Жамоа сардори — Ҳулкар Тоҳиржонова.

Бугун жамоавий рапид жаҳон чемпионатининг иккинчи куни Ўзбекистон терма жамоаси дунёнинг энг кучли жамоаси - Магнус Карлсен бошчилигидаги WR Chess жамоаси билан 3:3 ҳисобида жанговар дуранг натижа қайд этди.  

Биз учун аҳамиятлиси, биринчи доскада кечган учрашувда Жавоҳир Синдаров жаҳон рейтинги етакчиси Магнус Карлсенга қарши қора доналарда ўйнаганига қарамай, афсонавий рақибини мағлубиятга учратди.