Сирдарёда “Workоut” ва “Strееtbol” тушунчалари оммалашмоқда

Бугунги кунда аҳолини оммавий спортга кенг жалб этиш мақсадида кенг кўламли ишлар амалга оширилмоқда. Жумладан, Ўзбекистон Республикаси Президентининг «Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида»ги Фармонида спортнинг устувор турлари сифатида белгиланган “Workоut”, “Strееtbol” (кўча фитнеси) ва бадминтон спорт турларини ривожлантириш мақсадида махсус майдончалар қурилиб, оммавий мусобақалар ўтказилмоқда.

Шу мақсадда Сирдарё вилоятининг барча туман (шаҳар)ларида жойлашган маҳаллаларда спорт майдончалари барпо этилиб, фойдаланишга топширилмоқда. Ҳозирга қадар ҳудудда жами 46та “Workоut”, “Strееtbol” ва бадминтон майдонлари қуриб битказилди. Қўшимча яна 37та маҳаллада спорт майдонларини қуриш ишлари амалга оширилмоқда. Йил якунига қадар вилоятда мавжуд 224та маҳалланинг 168тасида спорт майдонлари ташкил этилиб, аҳоли ихтиёрига топширилиши режалаштирилган.