Сирил Ган Нганнунг дунёдаги энг кучли кикбоксчи билан машқ қилаётганига муносабат билдирди

Нганну ўз машғулотлар лагерига кикбоксчи Рико Верхувенни жалб қилган.

"Бу яхши фикр. Энг зўри бўлишинг учун энг кучлилар билан машқ қилишинг керак. Мендаги асосий база муай-тай ва энг қизиғи бу менинг энг кучли жиҳатим. Шу сабаб ҳам, улар ҳаммасини тўғри қилишмоқда дея оламан, аммо мен ўз услубимни бироз ўзгартирганман. Мен энди муай-тайдага ҳаракат қилмайман, чунки ММА бу кикбоксинг ёки муай-тай эмас. Аммо, қайтараман, бу жуда яхши фикр. Рико Верхувен ажойиб йигит, у менга ёқади.

Албатта, ҳар бир машғулотлар лагерига рақибимизга услуб ва жисмоний жиҳатдан ўхшайдиган спарринг рақиб қидирамиз. Менинг лагеримда эса нокаут қилиш кучига эга ёш бир йигит ишламоқда. Уни бир кўришда қанчалик кучли эканлигини билиш мумкин", - деди Сирил Ган.

Эслатиб ўтамиз, Сирил Ган ва Франсис Нганну ўртасидаги жанг 22 январь куни UFC 270 доирасида ўтказилади.