Собиқ икки йўналиш чемпиони Мурат Гассиев камар учун жанг ўтказди

"Динамо" волейбол аренаси мезбонлик қилган оқшомнинг марказий жанги супероғир вазн тоифасида россиялик собиқ жаҳон чемпиони Мурат Гассиев ҳамда германиялик Михаэль Валлиш ўртасида кечди. Ўн икки раундга мўлжалланган жанг муддатидан аввал якунланди. Гассиев тўртинчи раундда рақибини нокаутга учратиб, WBA Asia камарига эга чиқди. 

Маълумот учун, биринчи оғир вазн тоифасида собиқ WBA ва IBF чемпионлик камарлари соҳиби бўлган Мурат Гассиев охирги жангини 2020 йилнинг октябрида албаниялик Нури Сеферига қарши ўтказиб, рақибини нокаутга учратган эди. Гассиев ҳисобида энди 28 ғалаба бор. Битта жангда мағлубият аламини тотиб кўрган.