19 фев 11:47
Янгиликлар
Бокс/ММА
Собиқ жаҳон чемпиони Денис Лебедев рингга қайтмоқда
WBА, IBF йўналишлари бўйича собиқ жаҳон чемпиони Денис Лебедев фаолиятини қайта тиклайди.
Бу ҳақда ТАCC нашри "Ren TV" телеканали бош директори Владимир Тюлиннинг матбуот анжуманидаги нутқига асосланиб хабар берди.
"Билишимизча, у машғулотларни бошлаган. У жангга рози", - деди Тюлин.
Хабар қилинишича, Лебедевга Панама вакили Гильермо Жонс рақиблик қилиши мумкин.
2019 йил декабрь ойида Лебедев фаолиятини якунлаганини маълум қилган эди. Денис профессионал боксдаги фаолиятини 2001 йилда бошлаган. Россиялик боксчи сўнгги жангини 2019 йил декабрида ЖАР вакили Табисо Мчунуга қарши ўтказиб, ҳакамларнинг қарорига кўра мағлуб деб топилган. Унинг ҳисобида 36 та жангда қўлга киритилган 32 та ғалаба ва 3 та мағлубият бор.
Ҳавола :
Манба : TACC
Фикрлар