14 ноя 20:20
Янгиликлар

Бокс/ММА

Собиқ жаҳон чемпиони Ражаб Бутаев Тошкентда рингга кўтарилди

Lift Promotions'нинг "Ҳумо арена"даги бокс оқшоми давом этмоқда.

Мусобақа прелим кардидан ўрин олган навбатдаги жанг ниҳоясига етди.

Унда ярим ўрта вазн тоифасида WBA йўналиши бўйича собиқ жаҳон чемпиони, россиялик 31 ёшли Ражаб Бутаев 35 яшар ҳамюрти Артём Пугачга қарши рингга кўтарилди.

Саккиз раундлик жанг тўлиқ давом этди ва якунда очколар ҳисоби (80-72, 79-73, 78-74 ) бўйича Бутаевнинг ғалабаси қайд этилди.

Шу тариқа, Ражаб фаолиятидаги 17-жангида 16-ғалабасини нишонлади. Бутаевнинг салкам икки йиллик танаффусдан сўнг рингга қайтганини ҳам таъкидлаш жоиз.