14 мар 16:37
Янгиликлар

Бокс/ММА

Собиқ мутлақ жаҳон чемпиони вафот этди

Америкалик афсонавий боксчи, ўрта вазн тоифасида мутлақ жаҳон чемпиони бўлган Марвин Хаглер 66 ёшида бу фоний дунёни тарк этди.

Кеча Хаглернинг фарзандлари отасини Нью-Гэмпширдаги шифохоналарнинг бирига оғир аҳволда олиб боришган. Марвин кўкрак қафасида кучли оғриқ сезган ва нафас олиши қийинлашган. Шифохонага олиб келинганидан 4 соат ўтиб, Хаглернинг юрак уриши тўхтаган.

Маълумот учун, Марвин Хаглер ўрта вазн тоифаси тарихидаги энг яхши жангчилардан бўлган. 1980-1987 йилларда WBC ва WBA, 1983-1987 йилларда эса IBF чемпионлик камарларини ўзида сақлаб турган. 1983 ва 1985 йилларда The Ring журнали томонидан "Йил жангчиси" деб топилган. 1992 йилда Бутунжаҳон бокс шон-шуҳрати музейига қабул қилинган.