24 июн 08:31
Янгиликлар

Теннис

София Кенин Mallorca Open чемпиони бўлди

Испаниянинг Мальорка шаҳрида ўтказилган теннис турнири София Кениннинг ғалабаси билан якунланди.

Америкалик теннисчи финал учрашувида швейцариялик Белинда Бенчични мағлуб этишнинг уддасидан чиқди. Дунёнинг 30-ракеткаси бўлиб турган Кенин иродали ғалабага эришди.

У 2 соату 42 дақиқа давом этган баҳсда дунёнинг 13-ракеткасини 6/7(2), 7/6(5), 6/4 ҳисобида мағлубиятга учратди. 20 ёшли Кенин Mallorca Open турниридаги муваффақиятли иштирок сабаб 34 677 евро мукофот пули ҳамда 280 рейтинг очкосини қўлга киритди.