30 июн 08:03
Янгиликлар

Теннис

Сонего Анталия турнирида бош соврин соҳибига айланди

Дунё рейтингида 75-поғонадан жой олиб турган Лоренцо Сонего Туркиянинг Анталия шаҳрида якунланган турнирда бош совринни қўлга киритди.

Италиялик теннисчи Turkish Airlines Open Antalya турнирининг финал учрашувида рейтингнинг 82-поғонасини банд этган сербиялик Миомир Кечмановичга қарши кортга чиқди. Сонего 2 соату 46 дақиқа давом этган баҳс якунида рақибидан устун келди - 6/7(5), 7/6(1), 6/1.

Лоренцога 25 та эйс зарбаси ҳам ғалаба қозонишига ёрдам берди. Бу теннисчиларнинг илк учрашуви эди. Италиялик теннисчи фаолиятидаги илк титулни қўлга киритди. Анталиядаги муваффақиятли иштирок Сонегога 76 840 евро мукофот пули ҳамда 250 рейтинг очкосини тақдим этди.