19 дек 12:18
Янгиликлар

Футбол

Сўнгги 20 йил ичида илк бор Жанубий Америка терма жамоаси ЖЧда ғолиб чиқди

Асосий вақтда 3:3 ҳисобидаги натижадан сўнг пенальтилар сериясида францияликларни мағлуб этган Аргентина терма жамоаси 2022 йилги Жаҳон чемпионати ғолибига айланди.

Бу "альбиселесте" учун учинчи жаҳон чемпионлигидир. Шунингдек, бу Жанубий Америка вакили учун сўнгги 20 йилдаги биринчи жаҳон чемпионати олтини – 2002 йилда Бразилия жаҳон чемпиони бўлган.

Европа ҳамон етакчиликни сақлаб қолган. Қадимги дунё вакиллари 12 марта жаҳон чемпиони бўлишди – Италия ва Германия тўрт марта олтин олган бўлса, Франция иккита, Англия ва Испания биттадан ғолибликка эга.

Жанубий америкаликлар учун бу ўнинчи юбилей кубок эди. Бразилия беш марта, Уругвай икки марта жаҳон чемпиони бўлган ва бу Аргентина учун учинчи чемпионлик унвони саналади.