Сўхликлар ўз саломатликлари йўлида 5 000 қадам юришди

Тадбирда сектор раҳбарларидан Сўх тумани ҳокими С.Сайидмусаев, туман прокурори Ф.Абдувалиев ҳамда туман ИИБ бошлиғи, полковник Б.Раҳимбердиев, тумандаги давлат ташкилотлари ва ҳуқуқни муҳофаза қилиш органлари ходимлари, туман жисмоний тарбия ва спорт бўлими, халқ таълими бўлими, мактабгача таълим бўлими, болалар-ўсмирлар спорт мактаби, «Ватанпарвар» ташкилоти ишчи-ходимлари фаол қатнашишди.

Эътиборли жиҳати, мазкур саломатлик акциясида туман ҳокимининг «шахсий намуна» сифатидаги иштироки қолганларни ҳам ўз саломатлиги ҳақида жиддий қайғуришга ундайди.

Иштирокчилар дастлаб эрталабки бадантарбия машқларини бажаришди. Сўнгра «Саломатлик учун 5 000 қадам» шиори остида қарийб 5 километр масофани юриб ўтишди. Ушбу оммавий тадбирда Сўх туманининг 2 000 нафардан зиёд аҳолиси иштирок этди.