Спорт вазирлигида Корея Паралимпия қўмитаси президенти билан учрашув ўтказилди

Делегация аъзолари ташрифнинг илк кунида Спорт вазирлигида бўлишди. 

Вазир Адҳам Икрамов ҳамда Осиё Паралимпия қўмитаси вице-президенти, Ўзбекистон Миллий паралимпия қўмитаси раиси Мухторхон Ташходжаев иштирокида ўтказилган учрашувда Ўзбекистон Республикаси Президенти томонидан мамлакатда паралимпия спорт турларини ривожлантиришга қаратилаётган эътибор юқори самара бераётганлиги, пара атлетлар томонидан нуфузли халқаро мусобақаларда қўлга киритилаётган натижалар эътироф этилди.

Шунингдек, учрашув давомида ўзаро алоқаларни янада мустаҳкамлаш ва янги босқичга олиб чиқиш мақсадида Ўзбекистон ва Корея паралимпия қўмиталари ўртасида ҳамкорлик меморандуми имзоланди.