24 апр 17:31
Янгиликлар

Теннис

Srpska Open. 70-ракетка финалда 6-ракеткани мағлуб этди

Босния ва Герцеговиниянинг Баня-Лука шаҳрида теннис бўйича ATP турнири кутилмаган натижа билан якунланди.

Ҳал қилувчи финал учрашувида дунёнинг олтинчи ракеткаси бўлиб турган россиялик Андрей Рублёв ATP рейтингининг 70-поғонасида бораётган сербиялик Душан Лайовичга 3/6, 6/4, 4/6 ҳисобида имкониятни бой берди.

Серб россияликка ноқулай рақиблигича қолмоқда. Ўзаро ўтказилган учинчи учрашувда ҳам Душан Андрейни мағлубиятга учратди - 3:0.

Srpska Open турниридаги муваффақиятли иштирок Лайовичга 250 рейтинг очкоси ҳамда 85,605 евро мукофот пули келтирди. Рублёв эса 150 очко ва 49,940 евролик бўлди.