Стефанос Циципас курашсиз учинчи даврага йўл олди

Жумладан, эркаклар ўртасидаги яккалик баҳсларида иштирок этаётган грециялик Стефанос Циципас учрашув ўтказмаган ҳолда учинчи давра иштирокчисига айланди. Циципаснинг иккинчи босқичдаги рақиби германиялик Филипп Кольшрайбер баҳсда қатнаша олмаслигини маълум қилди. 

Бунга унинг эски жароҳатининг безовта қилиб қолгани сабаб бўлган. Энди Стефанос Australian Open турнирининг учинчи даврасида канадалик Милош Раонич ёки чилилик Кристиан Гаринга қарши кортга чиқади.