14 фев 15:03
Янгиликлар

Теннис

Султонов Актобедаги турнирда чорак финалга чиқди

Қозоғистоннинг Актобе шаҳрида теннис бўйича “Фьючерс” турнири давом этмоқда.

Мукофот жамғармаси 25 000 АҚШ долларини ташкил қилувчи мусобақада ўзбекистонлик теннисчилар ҳам муваффақиятли одимлашяпти. Турнирнинг иккинчи ракеткаси бўлган Ҳумоюн Султонов бундан бир неча дақиқа аввал чорак финал йўлланмасини қўлга киритди.

Ҳамюртимиз 1 соату 31 дақиқа давом этган учрашувда чехиялик Михал Конечнини икки сетда ҳам бир хил 6:4 ҳисобида мағлуб этди. Кеча Ҳумоюн илк даврада россиялик Антон Чеховдан 6:2, 6:2 ҳисобида устун келган эди.

Энди Ҳумоюн Султонов ярим финал чиптаси учун голландиялик Нилс Лутсмага қарши кортга чиқади. Бироз аввал якунланган баҳсда Лутсма турнирнинг еттинчи ракеткаси, россиялик Константин Кравқукдан 7:6(4), 7:6(5) ҳисобида устун келди.