21 авг 11:17
Янгиликлар

Теннис

Султонов бу ҳафта ҳам Иданья-а-Новада чемпион бўла оладими?

Португалиянинг Каштела-Бранка округи Иданья-а-Нова туманида теннис бўйича M25 тоифасига кирувчи яна бир турнир старт олди.

Мукофот жамғармаси 25 000 АҚШ долларини ташкил этувчи ушбу мусобақада ҳамюртимиз Ҳумоюн Султонов ҳам ўз имкониятини синовдан ўтказади. Мамлакатимизнинг биринчи ракеткаси ўтган ҳафта айнан турнирда чемпион бўлган эди.

Бугун Султонов 1/16 финалда италиялик Фабрицио Андалорога қарши кортга чиқади. Бу сафар Ҳумоюн турнирда иккинчи рақам остида таснифланган. Франциялик Клемент Чидеҳ мусобақанинг биринчи рақамли теннисчиси сифатида қайд этилган.

Таққослаш учун, Ҳумоюн Султонов ATP рейтингида 285, Андалоро эса 594-ўринни эгаллаб турибди. Ҳамюртимиз иштирокидаги баҳс бизнинг вақт билан соат 13:00да бошланади.