20 мар 07:34
Янгиликлар

Теннис

Султонов Чандигарҳда, у турнирнинг биринчи ракеткаси!

Ҳиндистоннинг Чандигарҳ шаҳрида теннис бўйича M15 тоифасига кирувчи турнир старт олди.

Мукофот жамғармаси 15 000 долларни ташкил этувчи турнирда ҳамюртимиз Ҳумоюн Султонов ҳам ўз имкониятини синовдан ўтказмоқда. Мамлакатимизнинг биринчи ракеткаси кеча жуфтликдаги иштирокини ғалаба билан бошлади.

Бугун эса у яккаликнинг илк даврасида кортга чиқади. Чандигарҳ турнирида биринчи рақам остида таснифланган Султонов 1/16 финалда ҳиндистонлик Маниш Сурешкумар билан ҳисоб-китоб қилади.

Таққослаш учун, Ҳумоюн ATP рейтингида 331, Маниш эса 877-поғонадан жой олган. Қизиғи, теннисчилар ўтган ҳафта Нью-Делидаги турнирнинг биринчи босқичида ҳам ўзаро тўқнаш келишганди. Ўшанда Султонов рейтингда ўзидан 548 поғона қуйида бораётган Сурешкумарга 6/4, 5/7, 4/6 ҳисобида ютқазиб қўйганди.