Султонов Марказий Осиё дербисида зафар қучди

Хабар берганимиздек, унда мамлакатимизнинг биринчи ҳамда иккинчи ракеткалари Ҳумоюн Султонов ва Сергей Фомин ҳам иштирок этяпти. Турнирда тўртинчи рақам остида таснифланган Фомин 75 дақиқа давом этган илк давра учрашувида хитойлик Женг Донгни 6/2, 6/4 ҳисобида мағлубиятга учратганди.

Бироз аввал якунига етган баҳсда мусобақанинг иккинчи рақамли теннисчиси сифатида сараланган Султонов ҳам ўз ғалабасини тантана қилди. Ҳамюртимиз Марказий Осиё дербисида қозоғистонлик Григорий Ломакиндан икки сетда ҳам бир хил ҳисобда устун келди - 6/3, 6/3.        

Таққослаш учун, Сергей Фомин ATP рейтингида 462, Донг 1383, Султонов 382, Ломакин эса 974-ўринни эгаллаб турибди. Ҳумоюн теннисчиларнинг ўзаро иккинчи учрашувида ҳам Григорийни мағлубиятга учратди. Фомин ва Султоновнинг 1/8 финалдаги рақиблари кечроқ маълум бўлади.