Султонов Қозон турнири финалида кортга чиқди

Мукофот жамғармаси 25 000 АҚШ долларини ташкил қилувчи мусобақанинг жуфтлик баҳсларида иштирок этган уч нафар теннисчимиздан фақат бири финал учрашувида кортга чиқди. 

Россиялик Александр Василенко билан бирга тўртинчи рақамли жуфтлик ҳосил қилган Ҳумоюн Султонов ҳозиргина якунига етган финал баҳсида мезбон теннисчилар - Михаил Фуфугин ва Денис Мацукевич тандемига қарши баҳс олиб борди. 

Бир соату 19 дақиқа давом этган учрашувда россиялик теннисчилар ҳамкорлиги 6:4, 6:4 ҳисобида зафар қучиб, Қозон турнирининг жуфтлик баҳслари ғолибига айланишди. Ҳумоюн эса турнир вице-чемпиони бўлди.