Свитолина деярли икки йиллик танаффусдан сўнг ғалаба қозонди

Украиналик теннис маликаси Элина Свитолина ушбу турнирда имтиёзли йўлланма асосида ўз омадини синаб кўряпти. Элина илк даврада WTA рейтингида 160-поғонада бораётган руминиялик Елена Габриэла Рузни 6/4, 6/2 ҳисобида мағлубиятга учратди.

Маълумот учун, Кьяссо турнирида мамлакатимизнинг биринчи ракеткаси Нигина Абдураимова ҳам иштирок этяпти. Ўтган йилнинг октябрь ойида 28 ёшли Свитолина оналик бахтига муяссар бўлган эди. Элина ва Гаэль Монфис оиласида қиз фарзанд дунёга келганди. Янги меҳмонга Скай (осмон) деб ном исм беришган эди. 

Бу Свитолина учун иккинчи турнир ҳисобланади. Март ойида Чарльстонда ўтган WTA 500 турнирида Элина дунёнинг 47-ракеткаси, қозоғистонлик Юлия Путинцевага 7/6(3), 2/6, 4/6 ҳисобларида имкониятни бой бериб қўйганди. Демак, Кьяссода у илк ғалабасини тантана қилди.