01 июл 18:51
Янгиликлар

Теннис

Свитолина "Уимблдон"да муваффақиятли старт олди

Дунёнинг саккизинчи рақамли теннис маликаси Элина Свитолина "Катта Дубулға" туркумига кирувчи Уимблдон турнирини ғалаба билан бошлади.

Украиналик теннисчи илк давра учрашувида австралиялик Дарья Гавриловага қарши кортга чиқди. Элина 1 соату 6 дақиқа давом этган баҳс якунида рақибасини 7:5, 6:0 ҳисобида мағлуб этди.

Энди Свитолина иккинчи босқич учрашувида россиялик Маргарита Гаспарянга қарши кортга чиқади. Тошкент Опен турнирининг амалдаги ғолибаси бўлган Гаспарян биринчи даврада Анна-Лена Фридзамдан устун келди.