04 ноя 07:47
Янгиликлар

Теннис

Свитолина унвонини ҳимоя қила олмади, Барти янги чемпион!

Хитойнинг Шэньчжэнь шаҳрида ўтказилган Якуний WTA турнири якунланди.

Ҳал қилувчи финал учрашувида мусобақанинг амалдаги ғолибаси, украиналик Элина Свитолина австралиялик Эшли Бартига қарши кортга чиқди. Дунёнинг биринчи рақамли теннис маликаси бўлиб турган Барти 1 соату 26 дақиқа давом этган учрашувда WTA рейтингида 8-поғонадан жой олган Элинани мағлуб этди - 6/4, 6/3.

Украиналик 25 яшар теннис маликаси ўзаро ўтказилган олтинчи учрашувга келибгина илк бор 23 ёшли Эшлига ютқазиб қўйди. WTA Finals турниридаги муваффақиятли иштирок Эшли Бартига 2 миллион 95 000 доллар мукофот пули ҳамда 955 рейтинг очкосини тақдим этди. Бу Яшил қитъа вакиласининг фаолиятидаги еттинчи соврини бўлди.