19 июл 17:18
Янгиликлар

Теннис

Свитолинани мағлуб этган Севастова финалга чиқди

Германиянинг Берлин шаҳридаги аэропорт ҳудудида теннис турнири давом этмоқда.

Кўргазмали мақомдаги bett1 Aces турнирининг аёллар ўртасидаги баҳсларида финалчилар аниқланди. Ярим финал доирасидаги учрашувда кутилмаган натижа қайд этилди.

Икки кун аввал ушбу турнирнинг дастлабкисида чемпион бўлган украиналик Элина Свитолина бу сафар латвиялик Анастасия Севастовага икки сетда ҳам бир хил 1/6 ҳисобида имкониятни бой берди. Элина дунёнинг бешинчи ракеткаси бўлса, Анастасия WTA рейтингида 43-поғонадан жой олган.